నెట్టికంటి ఆంజనేయ స్వామి స్తోత్రమ్
విశ్వవ్యాప్తం హనూమంతం గిరికాననవాసినమ్।
ఏకనేత్రకటాక్షేణ లోకరక్షకమాశ్రయే।। 1
ఆనందతీర్థ రూపేణ భక్తాన్ గిరిజనానిహ।
ఏకనేత్రకటాక్షేణ రక్షన్తం కపిమాశ్రయే।। 2
స్వకర్మనిరతాన్ త్రాతుం ధర్మ రక్షణ దీక్షయా।
ఏకనేత్రకటాక్షేణ తిష్ఠన్తం మారుతిం శ్రయే।। 3
దరిద్రాన్ ధనికాన్ దీనాన్ వంచితానధికారిణః।
ఏకనేత్రకటాక్షేణావన్తం సుందరమాశ్రయే।। 4
భూతగ్రహపిశాచాది పీడారోగభయాదికమ్।
ఏకనేత్రకటాక్షేణ సాదయన్తం హరిం భజే।। 5
పావమానైః మన్త్రపాఠైః మన్యుసూక్తజపేన చ ।
ఏకనేత్రకటాక్షేణ ప్రసీదంతం వరం భజే।। 6
శ్రీరామదాసం దుర్ధర్షం నవవ్యాకృతిపండితమ్।
ఏకనేత్రకటాక్షేణ దిశంతం గురుమానువే।। 7
ధర్మసంస్థాపకం దేవమాంజనేయం మహాద్యుతిమ్।
ఏకనేత్రకటాక్షేణ దేశరక్షకమాశ్రయే।। 8
ఫలశ్రుతిః –
ఏతత్ స్తోత్రం ప్రపఠత స్సుదినం భవతి ధ్రువమ్।
అతులానుగ్రహస్యైవ ప్రతుష్టస్య హనూమతః।।
ప్రార్థనమ్
రఘువరపదదాసం ధర్మరక్షైకదీక్షం
మహితజనక పుత్రీ ప్రీతిహేతుం మహాన్తమ్।
మరణభయవిదూరం భక్తబంధుం దయార్ద్రం
పరమ పద దదానం మారుతిం సంశ్రయేహమ్।।
ప్లవసంవత్ మాఘశుద్ధదశమి వంశీకృష్ణ ఘనపాఠీ
11-02-2022 మైసూరు
नॆट्टिकंटि आंजनेयस्वामि स्तोत्रम्
विश्वव्याप्तं हनूमंतं गिरिकाननवासिनम्।
एकनेत्रकटाक्षेण लोकरक्षकमाश्रये।। 1
आनंदतीर्थ रूपेण भक्तान् गिरिजनानिह।
एकनेत्रकटाक्षेण रक्षन्तं कपिमाश्रये।। 2
स्वकर्मनिरतान् त्रातुं धर्म रक्षण दीक्षया।
एकनेत्रकटाक्षेण तिष्ठन्तं मारुतिं श्रये।। 3
दरिद्रान् धनिकान् दीनान् वंचितानधिकारिणः।
एकनेत्रकटाक्षेणावन्तं सुंदरमाश्रये।। 4
भूतग्रहपिशाचादि पीडारोगभयादिकम्।
एकनेत्रकटाक्षेण सादयन्तं हरिं भजे।। 5
पावमानैः मन्त्रपाठैः मन्युसूक्तजपेन च ।
एकनेत्रकटाक्षेण प्रसीदंतं वरं भजे।। 6
श्रीरामदासं दुर्धर्षं नवव्याकृतिपंडितम्।
एकनेत्रकटाक्षेण दिशंतं गुरुमानुवे।। 7
धर्मसंस्थापकं देवमांजनेयं महाद्युतिम्।
एकनेत्रकटाक्षेण देशरक्षकमाश्रये।। 8
फलश्रुतिः –
एतत् स्तोत्रं प्रपठत स्सुदिनं भवति ध्रुवम्।
अतुलानुग्रहस्यैव प्रतुष्टस्य हनूमतः।।
प्रार्थनम्
रघुवरपददासं धर्मरक्षैकदीक्षं
महितजनक पुत्री प्रीतिहेतुं महान्तम्।
मरणभयविदूरं भक्तबंधुं दयार्द्रं
परम पद ददानं मारुतिं संश्रयेहम्।।
प्लवसंवत् माघशुद्धदशमी वंशीकृष्ण घनपाठी
11-02-2022 मैसूरु